Sobre nós?

A Fundación Baiuca Verdescente é unha entidade sen ánimo de lucro creada para materializar o compromiso do noso Grupo Riversun Touristic para contribuír a facer un mundo máis humano nos lugares nos que desenvolve a súa actividade empresarial.

MISIÓN

A Fundación Baiuca Verdescente é o instrumento para materializar o compromiso do Grupo Riversun Touristic cos lugares onde desenvolve a súa actividade empresarial. A súa misión é traballar xuntas e xuntos para facer un mundo máis humano a través da nosa paixón por crear experiencias extraordinarias principalmente no ámbito xeográfico de Galicia e das Illas Canarias, sen descartar o resto do territorio nacional.

VISIÓN

Queremos ser un referente como motor do medio rural. Mellorar a calidade de vida de quen forma parte del, protexendo e dinamizando o entorno co seu patrimonio material e inmaterial, desenvolvendo accións de carácter social, económico, medioambiental, cultural, deportivo e educativo, así como creando oportunidades para atraer a nova poboación que comprenda a forma de sentir e vivir esta realidade.

VALORES

Compartimos os valores de Riversun Touristic: Vocación de servizo, busca constante da excelencia a través do compromiso, sustentabilidade, transparencia, diversidade, solidariedade, igualdade e traballo en rede xunto a persoas voluntarias e outras persoas, colectivos ou entidades que comparten os nosos fins e obxectivos relacionados coa construción dun mundo máis humano.

Movemento Rural Up

Todas as acción e proxectos da Fundación Baiuca Verdescente están orientados á consecución dos obxectivos que persigue a filosofía RURAL UP:

#1RURAL UP: O RURAL COMO FORMA DE VIDA

A Fundación Baiuca Verdescente ten moi claro que a mellor opción para lograr unha vida de calidade é o rural, o rural como forma de vida, o rural como presente e futuro dunha sociedade consciente e que quere elixir como vivir.

Ler máis