Onde

Dende Silleda, ampliando o ámbito de acción dunha maneira orgánica, crecendo co proxecto.

Para quen?

A acción da Fundación Baiuca Verdescente está destinada a crear unha rede de voluntariado social colaborativo para facer chegar excedentes agrícolas de particulares do Concello de Silleda a familias con baixos recursos ou persoas con mobilidade reducida

O concepto RURAL UP que traballa a Fundación Baiuca Verdescente contempla a cooperación ao desenvolvemento sostible do espazo rural de Galicia e fomenta a diversificación da actividade económica.

Na conxuntura económica actual como consecuencia da crise da COVID-19 consideramos que hai un desaxuste entre excedentes agrícolas particulares e necesidades alimentarias de produto fresco e de calidade polas familias con baixos recursos.

A nosa Fundación pretende ofrecer a través da súa rede de persoas voluntarias unha resposta a estas necesidades co obxectivo de contribuír a un equilibrio económico sen prexuízo para a economía agraria local

Cando?

A Miña Horta é a Túa” é un proxecto vivo e estacional, de xuño a outubro, e contará con dúas fases, unha en 2020 con voluntariado local, e outra en 2021, con voluntariado local e internacional do ámbito da Unión Europea. O proxecto conta cun Equipo de Coordinación para organizar persoas voluntarias e hortas particulares e para organizar as labores de recolección, catalogación e reparto de víveres e tamén para establecer convenios con empresas do transporte e da embalaxe.

Este mesmo equipo elaborará un mapa de acción para actuar de forma eficiente tanto dende o punto de vista económico como ambiental, minimizando ao máximo os desprazamentos do persoal voluntario, primando o principio de proximidade.

A través da firma dun convenio con Servizos Sociais do Concello de Silleda, definiranse os detalles de clasificación, adxudicación e distribución dos alimentos ás familias acollidas no programa.