A vía láctea serviu sempre como guía aos peregrinos e peregrinas e como faro de esperanza de terra firme aos mariñeiros e mariñeiras. A pesar de que ao longo do camiño a orografía, as costumes, a xeografía foi cambiando co paso do tempo, as estrelas que guían a peregrinaxe continúan inalterables, transmitíndose o seu coñecemento de xeración en xeración.
Ao igual que o camiño, a observación e comprensión do cosmos vai ligado ao deleite dos sentidos, sendo unha viaxe cara o descubrimento dun mesmo. Por este motivo, todas as persoas participantes ao congreso poderán desfrutar dunha sesión de astronomía na noite do venres adicada á vía láctea e ao camiño de Santiago na que ademais de poder observar o firmamento con diversos telescopios, un láser de última xeración debuxará as constelacións no ceo.
SÁBADO 25 SETEMBRO
CONGRESO XÓVENES TALENTOS
O sábado 25 de setembro será o día grande do congreso Xóvenes Talentos, que buscará arraigar os mozos e mozas á comarca do Deza, é dicir, que teñan un motivo para volver ou para permanecer, que sentan o respaldo dunha sociedade que confía no seu talento para garantir o futuro dun rural, dunha comarca que os necesita.
A xornada do sábado celebrarase no Eco Hotel Nós e contará cun completo programa que recolle dende actos institucionais e entregas de premios a interesantes conferencias e actividades de todo tipo en diferentes microespazos deseñados para que as persoas asistentes poidan elixir en función das súas preferencias. Ademais, as persoas participantes poderán intercambiar puntos de vista e coñecerse nos diferentes coffee break e actuacións musicais, co obxectivo de crear rede.
A solidariedade e o turismo tamén cobrarán importancia no congreso, un lugar perfecto para dar a coñecer os tesouros que agochan os seis concellos da comarca do Deza recorridos polo Camiño de Santiago.
Galego 
Español